Բորելը ներողություն է խնդրել Եվրոպան այգու հետ համեմատելու համար

Եվրոպական դիվանագիտության ղեկավար Խոսեպ Բորելը ներողություն է խնդրել իր այն խոսքերի համար, որ Եվրոպան «պարտեզ է», իսկ մնացած աշխարհը «ջունգլի, որի բնակիչները կարող են ներխուժել այգի, եթե չպահպանվի երկխոսությունը նրանց հետ»։ Եվրոպացի պաշտոնյային պատասխանել է Իրանի ԱԳՆ խոսնակ Նասեր Քանաանին, ով այդ հայտարարությունն անվանել էր «ռասիստական»։ 

«Իմ հիշատակումը ջունգլիների մասին չունի ռասիստական, մշակութային կամ աշխարհագրական երանգավորում: Ցավոք սրտի, «ջունգլիները» ամենուր են, այդ թվում՝ այսօր Ուկրաինայում»,- հայտարարել է Բորելը։ Բորելը ներողություն է խնդրել նրանցից, ովքեր իր արտահայտությունը հասկացել են որպես գաղութային եվրոցենտրիզմի դրսևորում։ 

«Ես նաև բավականաչափ փորձ ունեմ՝ հասկանալու համար, որ ոչ Եվրոպան, ոչ Արևմուտքը կատարյալ չեն, և որոշ արևմտյան երկրներ ժամանակ առ ժամանակ խախտում են միջազգային իրավունքը»,- ասել է Բորելը: