«Լիճք/Մեղրի» ֆեյսբուքյան էջում հայտնում են, որ Մեղրի գետն ամբողջությամբ վերցվել է խողովակի մեջ.
«ՀԷԿ է կառուցված, որի համար գետի ջուրը վերցնում են ու խողովակներով հասցնում ՀԷԿ: Թողունակություն բացարձակ չկա, ամբողջ գետը վերցվել է խողովակների մեջ»,- հայտնում է տեսանյութը հրապարակողը՝ իրավասու գերատեսչություններին կոչ անելով արձագանքել: Ըստ նրա՝ Մեղրին չորային է, գետի բացակայությունը լուրջ խնդիրներ կարող է առաջացնել: Օգտատերը նշում է, որ դեռ մեկ տարի առաջ է խոսվել ստուգումներ կատարելու մասին, բայց տեսչական մարմինն ու Շրջակա միջավայրի նախարարությունը դա այդպես էլ չեն իրականացրել:
