Մեծ Բրիտանիայի ներքին գործերի նախարար Սուելա Բրավերմանը հայտարարել է, որ հեռանում է պաշտոնից երկու ամսից պակաս պաշտոնավարումից հետո: Այս մասին տեղեկացնում է РИА Новости-ն։
Հրաժարականի որոշման պատճառը, ըստ Բրավերմանի, եղել է պաշտոնական փաստաթուղթը, որը նա ուղարկել է գործընկերոջն իր անձնական էլեկտրոնային փոստից։
«Սա կանոնների տեխնիկական խախտում է»,- գրել է Բրավերմանը։
Միաժամանակ, նա պարզաբանել է, որ ուղարկված փաստաթուղթը միգրացիայի վերաբերյալ նախարարության հայտարարության նախագիծն է, որի վերաբերյալ հայտարարությունը շուտով պետք է հրապարակվեր, սակայն այդ փաստաթղթի մեծ մասն արդեն բացահայտվել է:
Սխալը հայտնաբերելուց անմիջապես հետո, ըստ նախարարի, ինքը պաշտոնական խողովակներով այդ մասին զեկուցել է ղեկավարությանը։ Միաժամանակ նա հայտարարել է, որ ճիշտ է համարում հրաժարական տալը։
Իր նամակում նախարարը մտահոգություն է հայտնել նաև կառավարության վարած քաղաքականությունից և ասել, որ կառավարությունը չի կատարել իր խոստումները։
Բրավերմանը Թրասի կաբինետի արդեն երկրորդ նախարարն է, որը պաշտոնն ստանձնելուց երկու ամիս անց հրաժարական է տալիս:
