Մոլդովայում կարող է մոբիլիզացիա հայտարարվել, եթե Ուկրաինայում ռազմական գործողությունները հասնեն երկրների սահմաններին։ Այս մասին հայտարարել է հանրապետության պաշտպանության նախարար Անատոլի Նոսատիին՝ TVR Moldova հեռուստաալիքին տված հարցազրույցում։
«Մոբիլիզացիայի ներդրման համար անհրաժեշտ են արմատական փոփոխություններ ուկրաինական ճակատում. երբ ռազմական գործողությունները հասնեն Մոլդովայի սահմաններին, կամ մենք նկատենք զինված ուժերի զանգվածային տեղաշարժ մարտական գոտում»,- ասել է գերատեսչության ղեկավարը։
Նախարարը հավելել է, որ Մոլդովայի իշխանությունները կարող են նման որոշում ընդունել նույնիսկ Ուկրաինայից փախստականների հոսքի ավելացման դեպքում։
Ավելի վաղ Մոլդովայի նախագահ Մայա Սանդուն հայտարարել էր, որ հանրապետությունը պատրաստ է պաշտպանական միջոցներ կիրառել տարածքային ամբողջականության և ինքնիշխանության դեմ հնարավոր ոտնձգության դեպքում։
