ՀՀ կառավարության որոշմամբ, փոփոխություն է կատարվել կազմակերպությունների և անհատ ձեռնարկատերերի կողմից ներմուծվող` ակցիզային հարկով հարկման ոչ ենթակա այն ապրանքների ցանկում, որոնց ներմուծումն ազատված է ավելացված արժեքի հարկից: Կառավարությունը հավանություն տվեց օրենսդրական նախագծին։
Ցանկում ընդգրկվել են արտադրության համար որոշ հումք ու նյութեր, ինչպես նաև այն հումք ու նյութերը, որոնք հիմնականում ներմուծվում էին ներդրումային ծրագրերի շրջանակներում:
Ըստ այդմ, առաջարկվում է իրականացնել մաքսային սահմանի վրա ավելացված արժեքի հարկի գանձումը փուլ առ փուլ վերացնելու քայլեր: Այն ապրանքները, որոնց վերաբերյալ նախագծով առաջարկվում է իրականացնել փոփոխություն՝ հանելով ԱԱՀ-ի գանձումը սահմանին, 2021թ.-ին ներմուծվել են շուրջ 11 մլն ԱՄՆ դոլարի չափով։
