ՆԱՏՕ-ի գրեթե բոլոր երկրները վավերացրել են դաշինքին Ֆինլանդիայի եւ Շվեդիայի միանալու արձանագրությունները, տեղեկացրել է գլխավոր քարտուղար Յենս Սթոլտենբերգը Շվեդիայի վարչապետ Ուլֆ Քրիստերսոնի հետ համատեղ մամուլի ասուլիսում։
«Որպես հրավիրված երկրներ՝ դուք (Շվեդիան եւ Ֆինլանդիան) ներկայում ինտեգրվում եք քաղաքական եւ ռազմական կառույցներում… Շատ երկրներ անվտանգության երաշխիքներ են ներկայացրել երկու երկրներին։ ՆԱՏՕ-ն մեծացրել է իր ներկայությունը Բալթիկ ծովի տարածաշրջանում…
Միացման գործընթացը դարձել է ամենաարագը ՆԱՏՕ-ի ժամանակակից պատմության մեջ։ Գրեթե բոլոր երկրներն ավարտել են (միացման մասին արձանագրությունների վավերացման) ազգային ընթացակարգերը»,- տեղեկացրել է Սթոլտենբերգը։ Նրա խոսքով՝ ՆԱՏՕ-ի գծով դաշնակիցներն աջակցություն կցուցաբերեն Շվեդիային եւ Ֆինլանդիային, եթե այդ երկրները «հայտնվեն ճնշման տակ»։
Շվեդիայի վարչապետի խոսքով՝ ՆԱՏՕ-ի արդեն 28 երկիր 30-ից վավերացրել է միացման մասին արձանագրությունները։
