Քարտեր թողարկելիս թուրքական բանկերը սկսել են լրացուցիչ պահանջներ ներկայացնել ՌԴ քաղաքացիների համար, ովքեր երկիր են ժամանել Ռուսաստանում մոբիլիզացիայի մեկնարկից հետո, հայտնում է РБК-ն։
Խնդրին բախված ռուսներից մեկը պատմել է, որ շրջել է տարբեր բանկերի 15 մասնաճյուղերով, նախքան դրանցից մեկի հետ հաշիվ բացելը։ Նրա խոսքով, բանկերը պահանջել են Թուրքիայում աշխատելու թույլտվություն, 5000 դոլար մեծ ավանդ կամ 100 դոլար միջնորդավճար։ Որոշ բանկեր հայտարարել են, որ չեն աշխատում արտասահմանցիների հետ։
Այս տեղեկությունը РБК-ին հաստատել են մի քանի միջնորդներ բանկերի և հաճախորդների միջև, որոնք օգնում են ռուսներին բացել 150-200 դոլարով քարտեր: Ստամբուլում աշխատող միջնորդներից մեկն ասել է, որ կացության թույլտվություն չունեցող ռուսները կարող են հաշիվ բացել VakifBank-ում, Vakif Katilim-ում, Ziraat Bank-ում և Denizbank-ում։ Ռուսաստանցիների ամենամեծ հերթերը գոյացել են Denizbank-ի մասնաճյուղերում, նշում է թերթը։ Բանկերը չեն պատասխանել РБК-ի հարցումներին:
Աղբյուրը՝ Meduza.io
