ԱԱԾ-ում քննվող քրեական գործի շրջանակներում կալանավորվել է կալանավորված դատավոր Արուսյակ Ալեքսանյանի օգնականը։
Փաստաբան Երեմ Սարգսյանն այս կապակցությամբ տեղեկացրել է. «Իհարկե, նախկինում այս աստիճանի երբեք չէին հասնում, կային չգրված սահմանափակումներ՝ աղջիկների, կանանց մասով, նույն տանից երկու հոգու մասով, և այլն, առավել ևս, որ դատավորի օգնականին կալանավորելու բացարձակապես որևէ հիմք չկա, սակայն ակնհայտորեն ցանկանում են այս ճնշման միջոցով ցանկալի ցուցմունք ստանալ և ազատ արձակել, որպեսզի փրկեն խարխլված քրեական գործը»։
Հիշեցնենք՝ հոկտեմբերի 19-ին, Երևանի ընդհանուր իրավասության դատարանը բավարարել էր դատավոր Արուսյակ Ալեքսանյանի և փաստաբան Էրիկ Ալեքսանյանի նկատմամբ կալանավորումը որպես խափանման միջոց ընտրելու մասին վարույթն իրականացնող մարմնի միջնորդությունները։
