Բորիս Ջոնսոնը հրաժարվել է Պահպանողական կուսակցության առաջնորդի պաշտոնում իր թեկնածությունն առաջադրելուց: Ըստ BBC–ի՝ սա նշանակում է, որ Մեծ Բրիտանիայի հաջորդ վարչապետը կլինի Ռիշի Սունակը:
Ջոնսոնը, որը վարչապետի պաշտոնը զբաղեցնում էր մինչև սեպտեմբերի սկիզբը, հայտարարել է, որ Համայնքների պալատում ունեցել է պահպանողական խմբակցության անհրաժեշտ 100 անդամների աջակցությունը. նրա հայտարարության մեջ ասվում է, որ իրեն առաջադրել է 102 պատգամավոր, սակայն դա ստուգելի չէ և նկատելիորեն պակաս, քան այն պատգամավորների թիվը, որոնք հրապարակավ արտահայտվել են նրա շարժման օգտին:
Նա կարծում է, որ լավ հնարավորություն է ունեցել հաղթել ներկուսակցական քվեարկությամբ և ուրբաթ օրվանից վերադառնալ վարչապետի պաշտոնին, բայց «ժամանակը տեղին չէ», կուսակցությունում նա շատ ընդդիմախոսներ ունի, իսկ առանց խմբակցության շարքերում միասնության անհնար է արդյունավետ կառավարել երկիրը, հայտարարել Է Ջոնսոնը:
