Յեյսկում Սու-34 ռմբակոծչի կործանման պատճառը շարժիչի մեջ երկու որորների հայտնվելն է եղել։ Այս հանգամանքն էլ հանգեցրել է ինքնաթիռի այրվելուն եւ կործանմանը։ Այս մասին ՏԱՍՍ-ին տեղեկացրել են ուժային կառույցներում։
Նշվել է, որ թռչուններն ընկել են Սու-34-ի շարժիչի մեջ ռմբակոծչի թռիչքի ժամանակ։
«Դրանց (որորների) մնացորդները փորձագետները հայտնաբերել են ինքնաթիռի բեկորներն ուսումնասիրելիս»,- ասել են գործակալությանը։
Հիշեցնենք, որ Յեյսկում Սու-34 ռազմական ինքնաթիռն ընկել էր բնակելի շենքի վրա։
