«Ուկրաինայի պատերազմը չպետք է մեզ ստիպի մոռանալ այլ հակամարտությունները՝ Հայաստանում, Սիրիայում, Իրաքում, Սոմալիում, Մերձավոր Արևելքում»,- հայտարարել է Ֆրանսիայի նախագահ Էմանուել Մակրոնը՝ կիրակի ելույթ ունենալով Հռոմում, եռօրյա միջկրոնական գագաթաժողովի բացման արարողությանը։
«Այսօր կան մարդիկ, որոնց վրա հարձակվում են, իսկ մյուս կողմից՝ կան առաջնորդներ, ովքեր որոշել են հարձակվել, ներխուժել և նվաստացնել: Չեզոք մնալը կնշանակի գիտակցել, որ ուժեղի օրենքը դառնում է ընդհանուր օրենք»,- ասել է Մակրոնը։
Մակրոնը նաև հավելել է, որ ուժեղների օրենքների վրա հիմնված աշխարհը չի կարող օրինական լինել։
