Ռուսական ուժերը, դուրս գալով Խերսոնից, ապամոնտաժել և քաղաքից հանել են ռուս հրամանատարներ Ալեքսանդր Սուվորովի և Ֆյոդոր Ուշակովի հուշարձանները. հայտնում է «Риа Новости»-ն։
Ռուսական գործակալությունը այս գործողությունները բացատրել է «Ուկրաինայի զինված ուժերի գնդակոծությունից արվեստի եզակի գործերը պահպանելու» ցանկությամբ։
1950 թվականին Սուվորովի կիսանդրին Լենինգրադի թանգարանը նվիրել է Խերսոնին։ 1957 թվականից Ուշակովի արձանը կանգնած է Խերսոնի պետական ծովային ակադեմիայի շենքի դիմաց, որը գտնվում է նրա անունը կրող պողոտայում։
