ՀՀ ազգային ժողովը քննարկել է «Աշխարհագրական նշումների մասին» օրենքում փոփոխությունների նախագիծը։
Էկոնոմիկայի փոխնախարար Արման Խոջոյանի խոսքով, այդ նախագծի ընդունումը կարող է թույլ տալ հայկական արտադրության մածունը գրանցել որպես «աշխարհագրական նշում» (GI) և հենց այդ մակնշմամբ Վրաստանի տարածքով անարգել արտահանել այլ շուկաներ:
Ըստ նրա. «Արտադրանքի մակնշման համապատասխանության նկատմամբ պետական վերահսկողությունը վերապահվում է սննդամթերքի անվտանգության բնագավառում պետական վերահսկողություն իրականացնող լիազոր մարմնին և ընդգրկում է արտադրության ու շրջանառության բոլոր փուլերը»:
Որպես աշխարհագրական նշում պահպանվում է ոչ միայն տարածքի կամ բնակավայրի որոշակի տեղանքի կամ բացառիկ դեպքում երկրի անվանումը, այլ նաև ցանկացած այլ անվանումը, որը ծառայում է այն արտադրանքը նշելու համար, որը ծագել է տվյալ տարածքից, որոշակի տեղանքից կամ երկրից, որի յուրահատուկ որակը, համբավը կամ այլ բնորոշ հատկանիշները հիմնականում պայմանավորված են տվյալ աշխարհագրական ծագմամբ, որը արտադրվել, վերամշակվել և պատրաստվել է տվյալ աշխարհագրական վայրում:
Նախագծով հնարավորություն է տրվում որպես աշխարհագրական նշումով արտադրանք գրանցել նաև տարածքի, որոշակի տեղանքի կամ բացառիկ դեպքերում երկրի անվանում չպարունակող արտադրանքը:
