ԱԱԾ-ն չի վերադարձնի փաստաբան Էրիկ Ալեքսանյանի բջջային հեռախոսը։ Այս մասին գրել է փաստաբան Զորայր Հարությունյանը։
Փաստաբանական գաղտնիքն ու դրա վերաբերյալ ԱԱԾ վերաբերմունքը։ Փաստաբանական գաղտնիք պարունակող Է. Ալեքսանյանի մոտից առգրավված առարկաների վերադարձի պահանջը հրապարակային դարձնելուց անմիջապես հետո կայացվել է Էրիկի մոտից առգրավված բանալիները վերադարձնելու որոշում:
Թվային տեղեկատվության կրիչ հեռախոսը վերադարձնելու պահանջը մերժվել է…»,- գրել է նա։
Նշենք, որ փաստաբան Էրիկ Ալեքսանյանի պաշտպան Զորայր Հարությունյանը հայտնել է, որ Ալեքսանյանի մոտից առգրավվել է էլեկտրոնային կրիչ հեռախոսը, որի վրա գրառված է տեղեկատվություն, այդ թվում՝ փաստաբանական գաղտնիք պարունակող
Նշենք, որ ըստ մեղադրանքի՝ փաստաբան Էրիկ Ալեքսանյանը միջնորդություն է ներկայացրել դատարան՝ իր պաշտպանյալի նկատմամբ ընտրված խափանման միջոց կալանավորումը վերացնելու և այլընտրանքային խափանման միջոցը թույլատրելի ճանաչելու վերաբերյալ, ինչով, ըստ ԱԱԾ-ի, օժանդակել է դատավորին։
Հիշեցնենք, որ Երևանի ընդհանուր իրավասության դատարանը՝ դատավոր Արշակ Մաթևոսյանի նախագահությամբ, բավարարեց Էրիկ Ալեքսանյանի նկատմամբ կալանավորումը որպես խափանման միջոց ընտրելու մասին ԱԱԾ քննիչի միջնորդությունը։
