ԱՄՆ-ն դիտարկում է Ուկրաինային «Hawk» հին ՀՕՊ համակարգեր մատակարարելու հնարավորությունը՝ հրթիռային հարձակումներից և աթս-երից պաշտպանվելու համար։
Այս մասին հայտնում է «Reuters»-ը՝ հղում անելով երկու ամերիկացի պաշտոնյայի։
ԱՄՆ նախագահ Բայդենը խոստացել է Ուկրաինային տրամադրել ՀՕՊ առաջադեմ համակարգեր՝ հոկտեմբերի 10-ին երկրի վրա իրականացված զանգվածային հրթիռային հարձակումից հետո։ Բացի այդ, հոկտեմբերի 14-ին Ուկրաինայի պաշտպանության նախարար Ալեքսեյ Ռեզնիչենկոն հայտնել է, որ Իսպանիան Ուկրաինային է փոխանցում «Hawk» հակաօդային պաշտպանության 4 համակարգ։
