Ջերմուկի ավագանու «Ապրելու երկիր» խմբակցության անդամ Սյուզաննա Ավետիսյանը գրառում էր կատարել, որի միջոցով հարց էր հղել, թե արդյոք իր ընկերների մեջ կա՞ն մարդիկ, որոնք կմիանան՝ Ջերմուկում խրամատներ փորելու համար:
Վերջինս հարցը հղել էր հատկապես տղամարդկանց՝ հավելելով, որ սննդի, կեցության հարցերը հոգում են: Նկատենք, սակայն, որ որոշ ժամանակ հետո ավագանու անդամը գրառումը հեռացրել է:
Հարցի առնչությամբ «Հայկական ժամանակ»-ը մեկնաբանություն է խնդրել ՀՀ պաշտպանական գերատեսչության մամուլի քարտուղարից: Արամ Թորոսյանը հայտնեցլ է՝ ավագանու անդամի հետ զրույցի ընթացքում պարզվել է, որ նրա կոչ-գրառումը վերաբերել է ռազմահայրենասիրական ճամբարին, ոչ թե առաջնագծին:
«Առաջնագծում ինժեներական աշխատանքներն իրականացվում են ողջ ծավալով»,- հավելել է Թորոսյանը:
