Հեռուստահաղորդավարուհի եւ բլոգեր Քսենյա Սոբչակը երեքշաբթի լույս չորեքշաբթի գիշերը մեկնել է Ռուսաստանից՝ Բելառուսի տարածքով մտնելով Լիտվա։ Այս մասին ՏԱՍՍ-ին հայտնել են իրավապահ մարմիններից։
«Նա Մոսկվայից մեկնել է դեռ գիշերը [երեքշաբթի]։ Միեւնույն ժամանակ, նա երեկ ինտերնետի միջոցով ավիատոմսեր է գնել դեպի Դուբայ, այսօր՝ Թուրքիա։ Նա սա արել է իրավապահ մարմինների աշխատողներին շփոթեցնելու համար: Արդյունքում նա Լիտվա է մտել Բելառուսի տարածքով»,- ասել է գործակալության աղբյուրը։ Նրա խոսքով՝ իրավապահ մարմիններիի մոտ է եղել Սոբչակին ձերբակալելու քննիչի որոշումը, սակայն նրան հաջողվել է փախչել։
