Իսրայելը պատրաստ է Ուկրաինային հակաօդային պաշտպանության որոշակի համակարգեր մատակարարել, սակայն կան սահմանափակումներ, որոնք խոչընդոտում են այդ գործընթացը, CNN-ին տված հարցազրույցում հայտարարել է Իսրայելի նախագահ Իսահակ Հերցոգը։
«Կան զենքեր, որոնց նույնիսկ արտահանման տարբերակ չունենք, կան բաներ, որոնք չպետք է ընկնեն մեր թշնամիների ձեռքը, կան գաղտնիքներ, որոնք մենք չենք կարող փոխանցել, բայց որտեղ կարող ենք օգնել, փորձում ենք օգնել», – ասել է Իսրայելի նախագահը։
Նա չի համաձայնել սպառազինությունների փոխանցման հարցում իսրայելական կողմի դիրքորոշման քննադատությանը՝ ընդգծելով, որ Միացյալ Նահանգներն ու Եվրոպան էլ իրենց հերթին են հրաժարվել Կիևին որոշակի ռազմական տեխնիկա տրամադրելուց։
Աղբյուրը՝ Azatutyun.am
