Ամերիկացի ձեռնարկատեր Իլոն Մասկը չի հաստատել տեղեկությունն այն մասին, որ մտադիր է աշխատանքից հեռացնել Twitter-ի աշխատակիցների 75%-ին։ Այդ մասին գրում է Bloomberg-ը։
Չորեքշաբթի օրը Իլոն Մասկը Twitter Inc.-ի աշխատակիցներին ասել է, որ չի պատրաստվում կրճատել անձնակազմի 75%-ը, երբ ստանձնի ընկերության ղեկավարումը։
Ավելի վաղ հայտնի էր դարձել, որ Մասկը պատրաստվում է ընկերությունը գնելիս աշխատանքից հեռացնել Twitter-ի 5,5 հազար աշխատակցի։ Մասկի՝ անձնակազմը նվազագույնի հասցնելու պլանների մասին հաղորդում է The Washington Post-ը:
Ընդհանուր առմամբ Twitter-ում աշխատում է 7,5 հազար մարդ։ Հոդվածի հեղինակների կարծիքով, եթե նույնիսկ գործարքը ձախողվի, հնարավոր չէ խուսափել աշխատողների կրճատումներից, թեև ոչ այնքան զանգվածային։
Աղբյուրը՝ m24.ru
