ԱԺ նախկին փոխնախագահ ՀՀԿ-ական Էդուարդ Շարմազանովն անդրադարձել է հայ-ադրբեջանական հարաբերությունների կարգավորման բանակցություններին, և այնտեղ Արցախի ճակատագրի վերաբերյալ մոտեցումներին։
Շարմազանովի խոսքով, կա վաշինգտոնյան տարբերակ, որը հրապարակվել է և որևէ մեկը չի հերքել։ Ըստ այդ փաստաթղթի, Արցախը պետք է անցնի և հայտնվի Ադրբեջանի կազմում, և Արցախի տարածքի վրա պետք է Ադրբեջանի ինքնիշխան իրավունքները տիրապետեն:
Ինչ վերաբերում է ռուսական տարբերակին, ըստ Շարմազանովի այնտեղ Արցախի խնդրի մասին խոսք կա, բայց այն տեղափոխվում է ապագային.
«Մենք չունենք այսօր լավ ու վատ տարբերակ, ունենք շատ վատ և կործանարար տարբերակ: Բնականաբար, կոերծանարար տարբերակը Վաշինգտոնինն է, վատն էլ ռուսական տարբերակն է: Այս ամենի մեջ մեղավորը ոչ ռուսն է, ոչ Ամերիկան է, ոչ ՆԱՏՕ-ն է, ոչ ֆրանսիացին է, այս ամենի մեղավորը հակապետական, կապիտուլյանտ ռեժիմն է»։
