Գնալով ամրապնդվում է համոզումս, որ ՀԱՊԿ շրջանակում Հայաստանը ավելի մեծ խնդիրներ է առաջացնում այդ կառույցի, նրա կենսունակության համար, քան եթե լքեր այն։ Գրել է «Հանուն հանրապետության» կուսակցության նախագահ Արման Բաբաջանյանը:
Կառույցը իր անկենդանությամբ կարծես չի էլ թաքցնում, որ ցանկանում է օր առաջ Հայաստանը լքի դաշինքը։
Բայց Հայաստանը կարծես որոշել է ոչ միայն մասնակցել Դաշինքի հոգեհացին, այլև պատշաճ կերպով կազմակերպել նրա դիահերձարան տեղափոխման, վերջին հրաժեշտի, հուղարկավորության արարողությունները։
Կազմակերպությունը լքելու որոշումը ՀԱՊԿ առաջատարին Հայաստանի հանդեպ ավելի կոշտ գործողությունների դիմելու “լեգիտիմ” հիմքեր կտար։
Այս բոլորից հետո մի պարագայում կարելի է գուցե դեմ չլինել ՀԱՊԿ-ից դուրս չգալու որոշմանը՝ եթե դրա հիմքում կա ռացիոնալ հաշվարկ, ռազմավարություն, հստակ մշակված քաղաքականություն և այլընտրանքներ։
