Վերջին ժամանակների իրադարձությունները և շատ բարեկամ երկրների կոնկրետ հայտարարությունները ցույց տվեցին, որ, այո՛, մենք ունենք իսկապես դաշնակիցներ, ի հեճուկս նրա, որ շատերը նախկինում հայտարարում էին, որ մենք չունենք դաշնակից և մենակ ենք մնացել արհավիրքների դեմ։ Թիվ 1 Ստուդիայում հյուրընկալվել էր «Ազատ Հայաստան» նախաձեռնության հիմնադիր Էդգար Առաքելյանը:
Նրա խոսքով` Հայաստանի արտաքին և ներքին քաղաքականությունը այսօր պայմանավորված է հենց այդ «միջանցք» կոչված արհավիրքով և մենք պետք է զգոն լինենք, և հաշվի առնենք, որ մեզանում, այնուամենայնիվ, եղել է հոկտեմբերի 27, և դրա շահառուներն այսօր քաղաքական դաշտում փորձում են էլի եղանակներ ստեղծել։
«Ռուսաստան-Բելառուս միությունը «Դամոկլյան սուր» է ՀՀ ինքնիշխանության գլխին և բոլորն են հասկանում, որ դա Հայաստանի աստիճանական գուբեռնացումն է»,- ասաց Առաքելյանը:
Անդրադառնալով ՀԱՊԿ-ի թեմային, Առաքելյանը նշեց. «ՀԱՊԿ-ը Հայաստանի համար առաջին անվտանգային սպառնալիքներից մեկն է, և այլևս այդ սպառնալիքներն ապացուցված են։ Հայաստանն օր առաջ պետք է դուրս գա ՀԱՊԿ-ից և դիվերսիֆիկացնի անվտանգային համակարգը»:
