«Թիվ 1 Տեսակետ»-ի շրջանակներում այս անգամ զրուցել ենք «Քաղաքացիական պայմանագիր» խմբակցության պատգամավոր Վիգեն Խաչատրյանի հետ:
Խաչատրյանի խոսքով Հայաստանի վարած դիվանագիտական ճկունության շնորհիվ, ՀՀ իշխանություններին հաջողվեց հակառակ կողմի հետ գալ այն նախնական համաձայնությանը, որը «Խաղաղության պայմանագրի» կնքումը նշանակում է ճանաչել Խորհրդային միության սահմանները, որից և բխում է, որ Ադրբեջանը լքի այն 127 կմ․ տարածքը, որը զավթել է ՀՀ-ից ագրեսիայի միջոցով, և՝ որ անկլավներ հասկացողություն գոյություն չունի։
Ընդդիմության գործողություններին անդրադառնալով, պատգամավորը նշեց. «Ընդդիմությունը, հավանաբար, շփվում է այլ պետությունների հետ, և խուսափում է ՀՀ-ի օրինական իշխանությունների հետ անմիջական շփումից․ մենք տեսնում ենք, որ ընդդիմությունը մեջտեղ է բերում փաստեր, որոնք գոյություն չունեն իրականում, բայց այլ պետությունների կողմից օգտագործվում է պրոպագանդայի համար, ակամայից սկսում են իրենց շահերը սպասարկել, որովհետև իրենք ինքնամեկուսացել են, քննարկումներին, լուծումների փնտրտուքներին չեն մասնակցում»։
«Ղարաբաղի ժողովուրդը ինքնուրույն տնօրինում է իր ճակատագիրը։ Ինչ-որ նրանք ցանկանան՝ մենք ամեն կերպ պիտի իրենց օժանդակենք, սերտորեն միասին աշխատենք և խաբկանքներ չստեղծենք»,- ընդգծեց Խաչատրյանը:
«Ըստ էության՝ այդ մարդկանց տասնյակ տարիներ խաբել են և ճշմարտությունը չեն ասել։ Հայաստանը պարտավոր է և ամեն ինչ անելու է՝ օժանդակելու Ղարաբաղին, բայց Ղարաբաղի փոխարեն վճիռներ մենք չենք ընդունելու, և հետևաբար՝ այդ վճիռների պատասխանատվությունը պետք է կրի Ղարաբաղի իշխանությունը»:
