Հնդկաստանի Գուջարաթ նահանգում կախովի կամրջի փլուզման հետևանքով առնվազն 40 մարդ է զոհվել, ավելի քան 100-ը՝ անհետ կորել, հայտնում է Odisha TV-ն։
Նշվում է, որ Մորբիում գտնվող Մաչհու ամբարտակի կամուրջը փակվել էր վերջին երկու տարում։ Այն վերաբացվել է ընդամենը մեկ օր առաջ՝ վերանորոգումից հետո։
Հեռուստաալիքի տվյալներով՝ փլուզման պահին կամրջի վրա եղել է ավելի քան 500 մարդ, այդ թվում՝ երեխաներ։ Փլուզումից հետո առնվազն 350 մարդ ընկել է գետը:
Հնդկաստանի վարչապետ Նարենդրա Մոդին կարգադրել է ցուցաբերել անհրաժեշտ օգնություն։ Նա նաև հանձնարարել է զոհվածների և վիրավորների ընտանիքներին դրամական օգնություն հատկացնել:
