Հարավային Կովկասի տարածաշրջան այցի շրջանակներում հոկտեմբերի 30-ից նոյեմբերի 2-ը Հայաստանում կլինի ԱՄՆ Միջազգային զարգացման գործակալության (ՄԶԳ) Եվրոպայի և Եվրասիայի բյուրոյի ղեկավար, դեսպան Էրին Էլիզաբեթ Մակքիի գլխավորած պատվիրակությունը։
Նախատեսված են հանդիպումներ ԱԺ նախագահ Ալեն Սիմոնյանի, փոխվարչապետ Մհեր Գրիգորյանի, ԱԳ նախարար Արարատ Միրզոյանի և մարդու իրավունքների պաշտպան Քրիստինե Գրիգորյանի հետ։
Կազմակերպության մամուլի ծառայությունից հայտնում են, որ Հայաստանում իր հանդիպումներում դեսպան Մակքին կընդգծի ԱՄՆ անսասան աջակցությունը Հայաստանի ինքնիշխանությանը և Հարավային Կովկասում կայուն խաղաղությանը։
