Հայաստանի արտգործնախարար Արարատ Միրզոյանը ցավակցություն է հայտնել Հնդկաստանի Գուջարաթ նահանգում կամրջի փլուզման հետևանքով մարդկանց մահվան կապակցությամբ։
Այս մասին նա գրել է «Թվիթեր»-ի իր էջում։
«Մենք խորապես վշտացած ենք Մորբի քաղաքում տեղի ունեցած ողբերգության լուրից։ Մեր անկեղծ ցավակցություններն ենք հայտնում Հնդկաստանի եղբայրական ժողովրդին և կառավարությանը»,- գրել է Արարատ Միրզոյանը։
Հայաստանի ԱԳՆ ղեկավարը նաեւ ցավակցություն է հայտնել զոհվածների ընտանիքներին, իսկ վիրավորներին՝ մաղթել շուտափույթ ապաքինում։
Ավելի վաղ հայտնել էինք, որ Հնդկաստանում հետիոտնային կամրջի փլուզման զոհերի թիվը հասել է 130-ի։
