Գործարար Նիկոլայ Ստորոնսկին, ով Վլադ Յացենկոյի հետ հիմնել է Revolut բանկային ծառայությունը, հրաժարվել է Ռուսաստանի քաղաքացիությունից։ Այս մասին գրում է The Telegraph-ի բրիտանական հրատարակությունը՝ վկայակոչելով Revolut-ի ներկայացուցիչներին։ Ստորոնսկու՝ Ռուսաստանի քաղաքացիությունից հրաժարվելը Revolut-ում հաստատել են Forbes-ի լրագրողներին։
Ընկերության պաշտոնյաները հայտնել են, որ Ստորոնսկին հրաժարվել է Ռուսաստանի քաղաքացիությունից «այս տարվա սկզբին»: Revolut-ը չի նշել այս որոշման պատճառները՝ նշելով միայն, որ «Նիկը Մեծ Բրիտանիայի քաղաքացի է»։
Միաժամանակ The Telegraph-ը գրում է, որ Revolut-ի ներկայացուցիչները հասկացրել են, որ Ստորոնսկու՝ Ռուսաստանի քաղաքացիությունից հրաժարվելը կապված է Ուկրաինայի պատերազմի հետ՝ նշելով, որ գործարարը «խստորեն կոչ է անում անհապաղ դադարեցնել ռազմական գործողությունները»։
Forbes-ը նաև հիշեցնում է, որ Ուկրաինան պատժամիջոցներ է սահմանել «Գազպրոմ Պրոմգազ» ԲԲԸ գլխավոր տնօրեն Նիկոլայ Ստորոնսկու հոր դեմ։
