ԱՄՆ-ն և Հարավային Կորեան Կորեական թերակղզում սկսել են լայնածավալ օդային ուժերի համատեղ զորավարժություններ, որում ներգրավված է 240 մարտական ինքնաթիռ, այդ թվում՝ առաջադեմ գաղտագողի F-35 կործանիչ-ռմբակոծիչներ: Երկուշաբթի՝ հոկտեմբերի 31-ին, այդ մասին գրել է հարավկորեական «Yonhap» գործակալությունը։
Հաղորդվում է, որ մոտ 1600 թռիչք է նախատեսվում «Զգուշավոր փոթորիկ» զորավարժությունների շրջանակներում: Դաշնակիցներն ասում են, որ նման ուսուցումն անհրաժեշտ է Հյուսիսային Կորեայի հնարավոր սպառնալիքին դիմակայելու համար, որն այս տարի ռեկորդային թվով հրթիռներ է արձակել: Բացի այդ, Սեուլը մտավախություն ունի, որ Փհենյանը շուտով կարող է միջուկային փորձարկումներ իրականացնել։
