Սահմանամերձ Աչաջուր գյուղում կասկածում են՝ տնտեսական պատերազմ է հակառակորդը կիրառում

Տավուշի մարզի Աչաջուր համայնքն ունի 4573 բնակիչ, մոտ 1200 տնտեսություն: Հիմնականում զբաղվում են գյուղատնտեսությամբ՝ խաղողագործությամբ, ծխախոտագործությամբ եւ անասնապահությամբ: Բնակիչների մոտ 30-40 տոկոսն արտագնա աշխատանքի են մեկնում: Համայնքի հողերի 90 տոկոսը չի մշակվում ոռոգման ջրի պատճառով:

Անցյալ տարվանից խոզերի գլխաքանակի անկում կա, դա հաստատեցին նաեւ համայնքապետարանի աշխատակիցները: Աշխատակազմի քարտուղար Յուրի Միրզոյանի խոսքով՝ «Եկան, տարան, պատճառը չասեցին: Աֆրիկյան ժանտախտ: Այդպես էին կասկածում: Վախում էին բարձրաձայնեին, ում դիմում էինք, պատկան մարմինները, որոնք պիտի հայտնեին»: Թե ինչի՞ց են վախենում, ո՞րն է խնդիրը, որ չեն հաստատում աֆրիկյան ժանտախտի մասին՝ Միրզոյանն ասաց. «Եթե ժանտախտ լինի, պիտի պետությունը փոխհատուցի: Կարանտին է արդեն՝ սահմանները պիտի փակես, չէ՞, էն որ մաքսատանը բաները հագցնում են, անց ես կենում: Ես չեմ հաստատում, որ կա ժանտախտ, բայց ժողովրդի մոտ նման զրույցներ կան: Մի քանի հոգի մոտ 50-60 գլուխ կորցրեցին, մի քանի ֆերմեր փակվեցին արդեն»:

Ավելին՝ aravot.am