Էստոնիայի ներքին գործերի նախարարությունը մտադիր է ընդլայնել Ռուսաստանի հետ սահմանի պահպանվող գոտին՝ 10-ից հասցնելով 300 մետրի՝ այնտեղ լրացուցիչ օբյեկտներ կառուցելու համար։ Այս մասին տեղեկացրել է ERR հեռուստաալիքը։
«Մենք հասկացանք, որ գործող կանոնակարգումն այլեւս թույլ չի տալիս լավ պահպանել այդ սահմանը, տասը մետրի վրա անհնար է տեղակայել ողջ սահմանապահ ենթակառուցվածքը, պարեկել, ստեղծել նորմալ դիտման դիրքեր»,- ասել է Էստոնիայի ներքին գործերի նախարարության սահմանապահ եւ միգրացիոն քաղաքականության բաժնի ղեկավար Յանեկ Մյագին։
Նա ավելացրել է, որ փոփոխություններից հետո ողջ սահմանապահ գոտին ճիշտ ուղու կբերվի, ինչը հասկանալի կդարձնի արգելված գոտիները։
