ԱԺ մշտական հանձնաժողովների համատեղ նիստում ՀՀ էկոնոմիկայի նախարար Վահան Քերոբյանն անդրադարձել է խաղողի մթերման թեմային՝ վստահեցնելով, որ ամբողջ ծավալը մթերվել է:
Նախարարի խոսքով. «Այս տարի ավարտվել է խաղողի մթերումը, ընդհանուր առմամբ մթերվել է ամբողջ խաղողը: Գինը եղել է մոտավորապես 120 դրամ, որն ավելի ցածր է, քան նախորդ տարի, որովհետև դրամի արժևորումը ստիպել է, որպեսզի մթերողներն ավելի ցածր գնով մթերեն, որ դոլարով վաճառվող էժան կոնյակի սպիրտը կարողանա մրցակցությանը դիմանա այլ երկրների կոնյակի սպիրտի հետ»:
Անդրադառնալով խնդրի լուծման տարբերակներին, նախարարը պնդել է, որ դրան կարելի է հասնել սեգմենտը փոխելով. «Այսինքն՝ պետք է էժան կոնյակի սպիրտից տեղափոխվենք միջին գնային սեգմենտի գինի արտադրելու ուղղությամբ»:
Ըստ Քերոբյանի, փոքր գյուղատնտեսությունը մրցունակ չէ, ուստի պետք է գնալ խոշորացման։
