Թիվ 1-ի հատուկ հարցազրույցների շարքում ներկայացնում ենք «Քաղաքացիական պայմանագիր» խմբակցության պատգամավոր, Պաշտպանության և անվտանգային հարցերի մշտական հանձնաժողովի նախագահ Անդրանիկ Քոչարյանին։
Պարոն Քոչարյանը նշեց, որ եռամսյա հավաքները ներգրավածության առումով չէին ծածկում այն ծածկույթը, որը մեզ անհրաժեշտ էր մոբիլիզացիոն համակարգի բացթողումները վերականգնելու համար: Մենք կստեղծենք այն ինչից զրկված ենք եղել, որն արդյունքն էր այդ կարիքների բացակայության, որ մեզ` Զինված ուժերին հնարավորություն չտվեց, որպեսզի իրականացնի պաշտպանության այնպիսի ծավալներ, որոնք անհրաժեշտ էր մեր անվտանգային համակարգը կայուն պահելու համար:
Նա նաև հավելեց, որ 44-օրյա պատերազմի քննիչ հանձնաժողովը իր ուսումնասիրությունների շնորհիվ արձանագրել է բազմաթիվ թերություններ` թերությունները շատ մեղմ է ասված և այդ բացահայտումների մասին կտեղեկացնենք ՊՆ նախարարին, որպեսզի լուծումներ տա` թեկուզ կադրային առումով, այն զինվորականների կամ պատասխանատուների նկատմամբ, որոնք այսօր գտնվում են բանակում, բայց հանձնաժողովն իրենց ծառայությունն իրականացնելու ընթացքում հայտնաբերել է այնպիսի բացթողումներ, որոնք հանդուրժել պարզապես հնարավոր չէ:
«Ոչ թե պետք է գնալ պարզապես դիրքերում լինել, այլ պետք է դիրքերում լինել առաջին հերթին դիրքում ծառայություն իրականացնող մեր զինվորին ընկալելու համար:
Այդպիսի առիթը բաց թողնել` լսել ՊՆ նախարարին, ԳՇ պետին, զորքերի հրամանատարներին, որի քննարկումը միտված էր Բանակի ապագային, մեր երկրի պաշտպանության նոր մոտեցումներին և չկային ընդդիմադիրները: Իրենք եկան ծանոթացան խիստ գաղտնի փաստաթղթին և նորից գնացին փողոցներում փնտրեն ինչ-որ գործողություններ, որոնք միտված չեն մեր երկրի անվտանգության բարձրացմանը:
Մեր խնդիրն է, որպեսզի Արցախի ժողովուրդն ապրի Արցախում, ավելին` շատանա Արցախում: Ես Արցախում տեղի ունեցած բազմամարդ հանրահավաքից ուրախացել եմ, որովհետև 44-օրյա պատերազմի ինչ-որ փուլում այդ բազմամարդությունն այլևս գոյություն չուներ, այ խնդիրը, որ այդ բազմամարդությունը Տիրոջ կերպարով ամուր կանգնած լինի Արցախի հողի վրա»,- եզրափակեց պարոն Քոչարյանը։
