Պենտագոնը Ուկրաինայի զինված ուժերին կտրամադրի Vampire հակաօդային համակարգ, որը կարող է պայքարել տարբեր տեսակի անօդաչու թռչող սարքերի դեմ, հայտնում է Defence news-ը՝ վկայակոչելով ԱՄՆ ռազմական գերատեսչության ներկայացուցիչ գեներալ Փեթ Ռայդերին։
«ՀՕՊ-ը շարունակում է առաջնահերթություն մնալ, եւ մենք պատրաստվում ենք շարունակել ուշադրություն դարձնել դրան ու աշխատել այնքան արագ, որքան հնարավոր է։ Ինչ վերաբերում է Vampire-ին, մենք ակնկալում ենք պայմանագրի կնքում առաջիկա մի քանի ամիսների ընթացքում, եւ հենց հիմա մենք ակնկալում ենք, որ մատակարարումը տեղի կունենա 2023 թվականի կեսերին»,- ասել է Ռայդերը Պենտագոնի ճեպազրույցում:
Vampire համակարգը լազերային կառավարվող հրթիռային համակարգ է, որի չափսերը թույլ են տալիս այն տեղադրել քաղաքացիական ավտոմեքենաների, օրինակ՝ պիկապի կամ բեռնատարի վրա։
