ՀՀ ԱԳ նախարար Արարատ Միրզոյանը հայտարարել է, որ ԱԳՆ-ն պատրաստվում է ավելացնել մարդկային ռեսուրսը։ Ըստ Միրզոյանի.
«Ռեսուրսի ավելացման հարց կա մոտ ապագայում, և մենք պետք է դրանով լրջորեն զբաղվենք։ Պետք է մեր դիվանագետների թիվն առնվազն ավելացնենք, դա միանշանակ»։
Նախարարը նաև ասել է, որ պլանավորված է դեսպանություն բացել Ուրուգվայում և գլխավոր հյուպատոսություն՝ Իրանի Թավրիզ քաղաքում.
«Գիտեք, որ մեր իրանցի գործընկերները Կապանում վերջերս բացեցին գլխավոր հյուպատոսություն: Վաղուց կա ձեռքբերված պայմանավորվածություն, որ մենք էլ Թավրիզում կբացենք»։
Ըստ նրա՝ նախատեսվում է դիվանագիտական գրասենյակներ բացել նաև Կիպրոսում և Սերբիայում:
