Բրյուսելում ընթանում է ադրբեջանա-հայկական սահմանների սահմանազատման և անվտանգության հանձնաժողովի երրորդ նիստը։ Այս մասին իր թվիթերյան միկրոբլոգում գրել է Եվրամիության արտաքին գործողությունների ծառայության գլխավոր քարտուղար Ստեֆանո Սանինոն։
«Ուրախ ենք ողջունել Հայաստանի և Ադրբեջանի սահմանային հանձնաժողովներին՝ փոխվարչապետներ Մհեր Գրիգորյանի և Շահին Մուստաֆաևի գլխավորությամբ, Բրյուսելում իրենց երրորդ հանդիպման համար։ Եվրամիությունը կողմերին կոչ է անում քայլեր ձեռնարկել՝ տեղում անվտանգությունը բարելավելու և սահմանազատման հարցում առաջընթացի հասնելու համար»,- գրել է ԵՄ ներկայացուցիչը:
Հիշեցնենք, որ սահմանազատման և սահմանագծման առնչությամբ առաջին հանդիպումը կայացել է այս տարվա մայիսի 24-ին՝ ադրբեջանա-հայկական սահմանի Նախիջևանի հատվածում։
