ՀՀ առողջապահության նախարարությունը նոր մանրամասներ է հայտնել Արմավիրի մարզում երեկ տեղի ունեցած վթարի հետևանքով մարմնական վնասվածքներ ստացած անձանց առողջական վիճակից։
«Արմավիրի մարզում երեկ տեղի ունեցած ավտովթարի հետևանքով Արմավիրի բժշկական կենտրոնում գտնվող 5 տուժածներն ամբուլատոր բուժօգնություն ստանալուց հետո դուրս են գրվել:
Երևան տեղափոխված 2 տուժածներից մեկը գտնվում է վերակենդանացման բաժանմունքում, առողջական վիճակը գնահատվում է ծանր:
Մյուսը նյարդավիրաբուժական բաժանմունքում է: Բժիշկները տուժածի առողջական վիճակը գնահատում են կայուն»,- հայտնում են ՀՀ ԱՆ-ից:
Ավելի վաղ տեղեկացրել էինք, որ բախվել են Երևան-Արմավիր-Քարակերտ երթուղին սպասարկող «GAZel» մակնիշի միկրոավտոբուսը և «ZIL» մակնիշի բեռնատարը: Կա 4 զոհ և 9 վիրավոր։
