ՀՀ առողջապահության նախարար Անահիտ Ավանեսյանը մանրամասներ է ներկայացրել պետպատվերի շրջանակներում մատուցվող բուժծառայությունների վերաբերյալ։ Ըստ Ավանեսյանի, անհետաձգելի բուժօգնություն ստանալու համար պետք չէ հերթագրվել, քաղաքացին կստանա այդ բուժօգնությունը ողջ ծավալով.
«Եթե մարդը դրա կարիքն ունի, նա այդ պահին էլ հիվանդանոցում կստանա բուժօգնությունն առանց որևէ հերթագրման»։
Ըստ նրա, պլանային հետազոտությունները, պլանային վիրաբուժական միջամտություններն ու ընդհանուր առմամբ բժշկական օգնությունը հերթագրման համակարգով է արվելու.
«Իսկ եթե մի ծառայություն, որը կարելի է իրականացնել մեկ-երկու ամիս հետո, պետք է սպասել, որ ստանա»։
Նախարարը նաև նշել է, որ հերթագրման համակարգը դառնալու է միասնական և թափանցիկ։
