Մարդ ինչ ահավոր համբավ ունենա աշխարհով մեկ, որ ամեն անգամ հանրահավաք անելիս ԱՄՆ դեսպանատունը հայտարարություն տարածի, թե նա որտեղ դուրս է գալիս, բռնություն է, տնից դուրս մի եկեք։
Այս մասին «Ֆեյսբուք»-ի իր էջում գրել է քաղաքագետ Ստյոպա Սաֆարյանը՝ անդրադառնալով ԱՄՆ դեսպանության հայտարարությանը, որով կառույցը իր քաղաքացիներին հորդորվել է հեռու մնալ ընդդիմության՝ նոյեմբերի 5-ին կայանալիք բողոքի ցույցից։
Գրառման մեջ նաև ասված է․
«Ու սա մի բան է, որ պլաստիկ վիրահատությամբ չես վերացնի… Քիչ է մնում՝ գրեն՝ դռները փակեք, գազանն է գալիս… Մեղա, մեղա…»։
Նշենք, որ երեկ՝ նոյեմբերի 4-ին, ՀՀ-ում ԱՄՆ դեսպանատունը հորդորել է իր քաղաքացիներին հեռու մնալ Երևանում ընդդիմության՝ նոյեմբերի 5-ին Ֆրանսիայի հրապարակում կայանալիք բողոքի ցույցից՝ շեշտելով, որ այն կարող է վերածվել առճակատման:
