ՀՀ-ում Շվեյցարիայի Համադաշնության դեսպանատունը, անդրադառնալով «Միասին Սյունիքի համար» աշխատաժողովին, նշում է, որ դրա ընթացքում ՀՀ-ում ԵՄ պատվիրակությունը հայտարարեց հակամարտությունից տուժած Սյունիքի մարզին «Թիմ Եվրոպա» նախաձեռնության աջակցության մասին։
Նախաձեռնության մեջ ներդրում ունեն ԵՄ անդամ երկրներ Ավստրիան, Ֆրանսիան, Գերմանիան, Լեհաստանը եւ Շվեդիան, ինչպես նաեւ արտաքին գործընկերներ։
Շվեյցարիան արտաքին գործընկեր է եւ առաջիկա 4 տարիների ընթացքում Սյունիքում իրականացվելիք ծրագրի մեջ «Թիմ Եվրոպա»-ի անդամներից ամենամեծ ներգրավվածություն ունեցող անդամներից մեկը։
Բացի դրանից, դեսպանատան առաքելության ղեկավարի տեղակալ Վերներ Թուտը նոյեմբերի 4-ին տեղեկացրել է, որ Շվեյցարիայի զարգացման եւ համագործակցության գործակալությունը քննարկում է մի կարեւոր հումանիտար-տնտեսական ծրագիր՝ ի աջակցություն 2022թ․ սեպտեմբերի 13-14-ի իրադարձություններից տուժած ՀՀ երեք մարզերի, այդ թվում՝ Սյունիքի։
