Հակակոռուպցիոն կոմիտենի աշխատակիցների համար սոցիալական երաշխիքներ կսահմանվի

ԱԺ պետաիրավական հարցերի հանձնաժողովն այսօր դրական եզրակացություն տվեց ««Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխությունների նախագծին։ Ըստ այդմ, առաջարկվում է յուրաքանչյուր տարվա աշխատանքային ստաժի դիմաց հաշվարկել երկու տոկոս հավելավճար։

Ինչպես տեղեկացրեց ՀՀ արդարադատության փոխնախարար Արփինե Սարգսյանը. 

«Առաջարկվում է նաև հետադարձության կանոնով Հակակոռուպցիոն կոմիտեի նախագահի վարձատրություն ապահովել այն ժամանակահատվածի համար, երբ կոմիտեի նախագահը նշանակված է եղել, սակայն օրենքը դեռևս ուժի մեջ չի մտել»։

Օրենքն ընդունվելու դեպքում փոփոխություններն առաջարկվում է կիրառել 2024 թ. հուլիսի 1-ից: