Ուկրաինայի նախագահ Վլադիմիր Զելենսկին «Լիկուդ» կուսակցության առաջնորդ Բենիամին Նեթանյահուին հրավիրել է Կիև։ Նեթանյահուի գրասենյակից հայտնել են, որ երկուշաբթի երեկոյան Ուկրաինայի առաջնորդը զանգահարել է Նեթանյահուին։ Զելենսկին զրույցից հետո սոցիալական ցանցերում գրել է, որ Նեթանյահուի հետ քննարկել է «պետությունների միջև հարաբերությունների հիմնական ասպեկտները»։
«Կարծում եմ՝ բոլորը հասկանում են, թե ինչ է շեշտում Ուկրաինան, և ինչ շեշտադրումներ է անում Իսրայելը։ Ես հավատում եմ, որ մենք կարող ենք էապես հզորացնել մեր պետությունները»,- գրել է Զելենսկին։
«Yediot Ahronot» թերթը, վկայակոչելով ուկրաինացի անանուն պաշտոնյաներին, գրել է, որ Զելենսկին Նեթանյահուին խնդրել է զենք մատակարարել Ուկրաինային։
Նեթանյահուի գլխավորած «Լիկուդ» կուսակցությունը հաղթել է Իսրայելի խորհրդարանի (Քնեսեթ) ընտրություններում, և նրա առաջնորդը պետք է կազմի երկրի կառավարությունը։