Թիվ 1-ի հատուկ հարցազրույցների շարքում զրուցել ենք «Քաղաքացիական պայմանագիր» խմբակցության պատգամավոր, ԱԺ Պաշտպանության եւ անվտանգության հարցերի մշտական հանձնաժողովի փոխնախագահ Արմեն Խաչատրյանի հետ։
Պարոն Խաչատրյանը նշեց, որ 44-օրյա պատերազմին թեև հայոց բանակը համառ պայքար մղեց և մեծ կորուստներ պատճառեց, բոլոր առումներով իրեն գերազանցող թշնամուն, բայց այնուամենայնիվ մենք տեսանք, որ հայոց բանակը 21-րդ դարի պատերազմներին պատրաստ բանակ չէր։
10․000-ից ավել փաստաթղթեր են ստացվել ԱԺ 44-օրյա քննիչ հանձնաժողով, որոնք ուսումնասիրության կարիք ունեն։
Նա նաև հավելեց, որ պայմանագրային զինծառայողները լինելու են պրոֆեսիոնալ, ոչ մի այլ աշխատանքով չպիտի զբաղվեն՝ տաքսի վարել, ֆերմերային աշխատան իրականացնել։ Պայմանագրային զինծառայողները բջիջն են լինելու և հիմքն են դնելու պրոֆեսիոնալ բանակի։
Ուսումնական պրոցեսը դառնալու է պարտադիր բոլոր զինծառայողների համար՝ նրանք մարտական հերթապահություն չեն իրականացնելու մինչև չդառնան պրոֆեսիոնալ զինվոր։
Պարոն Խաչատրյանը հայտնեց, որ ՀՀ-ը այս պահի դրությամբ որևէ կաշկանդվածություն չունի զենք ձեռք բերելու համար, մեզ համար աշխարհագրական որևէ սահմանափակումներ չկան։
Զարմանալի է, որ այս կարճ ժամանակահատվածում՝ 44-օրյա պատերազմից հետո մեր հայկական ներուժը, պոտենցիալը ինչ արդյունքների է հասել, այս արդյունքներին այլ երկրներում հասնում են տասնամյակների ընթացքում,- եզրափակեց նա։
