Ուկրաինայում ռուսական զորքերի հրամանատար Սերգեյ Սուրովիկինը ՌԴ պաշտպանության նախարար Սերգեյ Շոյգուին առաջարկել է հեռանալ Խերսոնի շրջանի աջափնյա հատվածից, որտեղ գտնվում է Խերսոնը։
Շոյգուն համաձայնել է Սուրովիկինի առաջարկին։
Սուրովիկինն ասել է, որ ներկայիս պայմաններում Խերսոնը և մերձակա բնակավայրերը չեն կարող լիարժեք մատակարարվել։ «Գնահատելով իրավիճակը՝ ես առաջարկում եմ պաշտպանություն սկսել Դնեպրի ձախ ափի երկայնքով»,- ասել է նա։ Սուրովիկինը որոշումը «դժվար» է անվանել, սակայն ասել է, որ այն կփրկի մարդկանց կյանքը:
«Մեզ համար ռուս զինծառայողների կյանքն ու առողջությունը միշտ առաջնահերթություն է։ Պետք է հաշվի առնել նաեւ խաղաղ բնակչությանը սպառնացող վտանգը։ Շարունակեք զորքերի դուրսբերումը և ձեռնարկեք բոլոր միջոցները Դնեպր գետով տեխնիկայի, զենքի և անձնակազմի անվտանգ տեղափոխման համար»,- ասել է Շոյգուն:
Ռուսաստանը Խերսոնը գրավեց մարտի սկզբին՝ ուկրաինական տարածք ներխուժումից հետո առաջին օրերին։ Այս քաղաքը դարձավ պատերազմի սկզբից ռուսական բանակի կողմից գրավված միակ շրջկենտրոնը։
Աղբյուրը՝ Meduza.io
