Աղաս ջան – 3
Աղաս ջան, մեծ հետաքրքրությամբ հետեւում ենք «Մեդիա պաշտպանի» կողմից իրականացվող առցանց լրատվամիջոցների մոնիտորինգի արդյունքներին, որոնք թույլ են տալիս ծանոթանալ քաղաքական գործիչների վարկանիշներին: Շնորհակալ ենք հանրությանն ու մեդիամասնագետներին այսպիսի կարեւոր եւ անվճար ծառայություններ մատուցելու համար:
Ընդամենը երկու տեխնիկական բնույթի հարց ունեմ այս նախանձելի որակի աշխատանքների վերաբերյալ:
1. Հերթական մշտադիտարկման արդյունքները ներկայացնելիս (տես նկար 1), գրել էիր որ մեկ ամսվա ընթացքում վերլուծվել է «34 առաջատար լրատվականներում հրապարակված թվով 16 000 (տասնվեց հազար) հոդված: Եթե այս ահռելի թիվը բաժանում ես ամսվա աշխատանքային օրերին, ստացվում է, որ ամեն օր «Մեդիա պաշտպան»-ի գրասենյակում փնտրում, ընտրում, կարդում, վերլուծում, դասակարգում են մոտ 730 հոդված: Պարզ մաթեմատիկական հաշվարկը ցույց է տալիս, որ այս տիտանական քանակի տեքստերին ծանոթանալու, վերլուծելու, գնահատական տալու համար հարկավոր է 25-30 բանիմաց աշխատակից (եթե ամեն հոդվածն կարդալուն ու վերլուծելուն հատկացվի առավելագույնը 10 րոպե, եւ աշխատակիցը չշեղվի, ասենք զուգարան գնալու, սուրճ խմելու, կամ ընկերոջ զանգին պատասխանելու): Ուստի հարցս. ին՞չ ֆինանսական միջոցներ են հարկավոր մոնիտորինգի այդ հսկա կառույցը պահելու համար (աշխատասենյակներ, համակարգիչներ, soft, մի քանի տասնյակ աշխատակիցներ եւ այլն): Կամ եթե մշակել եք արհեստական բանականությունը օգտագործող ծրագիր, պատրաստ ենք գնել այն:
2. Մեկ այլ մշտադիտարկման արդյունքները ներկայացնելիս (տես նկար 2), գրել էիր որ մեկ շաբաթվա ընթացքում «մշտադիտարկվել է 170-ից ավելի լրատվական կայք»: Կրկնեմ թիվը տառերով՛ հարյուր յոթանասուն… լրատվական…, ու խնդրեմ հրապարակել այդ կայքերի հասցեները, որպեսզի disappear լինեն կասկածներս: Օրինակ, Ուկրաինայում (50 մլն. բնակչություն) կարգավորող մարմինը հաշվարկել է մոտ 60 լրատվական կայք:
Աղաս ջան, հարցադրումներս դատարկ հետաքրքրասիրությունից չեն: Հանձնաժողովն էլ է մշտադիտարկմամբ զբաղվում, եւ մեր աշխատանքը սկսել են համեմատել «Մեդիա պաշտպանի» ֆանտաստիկ արդյունավետ գործունեության հետ եւ դժգոհել մեզանից: Թե բա, տեսեք, փոքր նոր ստեղծված կառույց ա, բյուջեից չի սնվում ու ինչ ծավալի տեղեկատվական գիպերհոսքեր ա մշտադիտարկում ու վերլուծում: Իսկ դուք բողոքում եք որ չի հերիքում աշխատակազմը, տեխնիկան , ծրագրային փաթեթները ընդամենը մի քանի տասնյակ հեռարձակողներին մշտադիտարկելու համար: Ես էլ սկսում եմ ամոթից կարմրել: Կիսվի քո know-how-ներով, մեծ գործ արած կլինես:
Կանխավ շնորհակալություն:
