Հայաստանն առաջին հաղթանակն է տոնել Իսպանիայում ընթացող բռնցքամարտի երիտասարդների աշխարհի առաջնությունում: Մեկնարկային մենամարտում վստահ հաղթանակ է տոնել 75 կգ քաշային Ալիկ Հովհաննիսյանը, որի մրցակիցը սլովենացի Լուկա Պասիչն էր: Այս մասին հայտնում է Հայաստանի բռնցքամարտի ֆեդերացիան։
Առաջին իսկ ռաունդից մեր մարզիկը շատ գրագետ մենամարտ է անցկացրել և բոլոր ռաունդներում գերազանցել մրցակցին: 2-րդ ռաունդում Հովհաննիսյանը նույնիսկ նոկդաունի է ենթարկել սլովենացուն: Արդյունքում՝ բոլոր մրցավարները միաձայն 5:0 հաշվով հաղթանակը շնորհել են հայ բռնքամարտիկին:
