Netflix սթրիմինգ ծառայության YouTube ալիքում հայտնվել է Գիլերմո դել Տորոյի «Պինոկիո» մուլտֆիլմից մի հատված։ Սա երաժշտական համար է գլխավոր հերոսի կատարմամբ, որին հնչյունավորել է Գրեգորի Մաննը։ Նա երգել է «Ciao Papa» երգը։ Անիմացիոն ֆիլմը հարթակում կհայտնվի այս տարվա դեկտեմբերին։
Մուլտֆիլմի գործողությունները տեղի են ունենում Բենիտո Մուսոլինիի ֆաշիստական իշխանության օրոք Իտալիայում՝ 1930-ականներին։ Ժապավենը պատմում է Պինոկիոյի արկածների մասին, ով փորձում է գտնել իր տեղն աշխարհում։ Նա հեռանում է տանից՝ հասկանալով, որ Ջեպետտոն իրեն հարազատ որդու պես չի սիրում։
Օրիգինալ տարբերակում հնչելու են Յուան Մաքգրեգորի, Դեւիդ Բրեդլիի, Քեյթ Բլանշեթի, Թիլդա Սուինթոնի, Քրիստոֆ Վալցի եւ այլոց ձայները։
