Գեղարքունիքի մարզի Գեղահովիտ գյուղում սատկելուց առաջ սիբիրյան խոցով վարակված կովին մորթել են և վաճառել շուրջ 38 ընտանիքի: Այս մասին SHANTNEWS.am-ին հայտնել է Սննդամթերքի անվտանգության տեսչական մարմնի ղեկավար Գեորգի Ավետիսյանը:
Հայտնի է, որ ովքեր սնվել են այդ մսով, տեղափոխվել են «Նորքի» ինֆեկցիոն հիվանդանոց:
Նշվում է, որ կովի տերը հրաժարվել էր պատվաստել կենդանուն, ինչն էլ դարձել է հիվանդության պատճառ:
Սյունիքի մարզում երեկ գրանցվել էր նաև խոզերի շրջանում սիբիրախտի դեպք, որի առնչությամբ լաբորատոր փորձաքննություն է կատարվում:
