Օգտագործված լուսանկարները՝ Աղվան Ասոյանի
Հայաստանում աղքատության մակարդակը նվազել է 3,7%-ով։ 2017 թ․ այն կազմել է 25,7%՝ 2016 թ․-ի 29,4% փոխարեն։
Հայաստանում 2008-2016 թթ․ ծայրահեղ աղքատ էր բնակչության 1,6%-ը (880 հազար մարդ), 2017 թ․՝ 1,4% (776 հազար մարդ)։ Ամենաաղքատ մարզը Շիրակն է: Այստեղ աղքատ է բնակչության գրեթե կեսը:
2014 թ․ աղքատության մակարդակն Շիրակում կազմել է 44%, 2016 թ․՝ 45,5%, 2017 թ․՝ 44,3%։ Ծայրահեղ աղքատության մակարդակը աճել է Արմավիրի, Գեղարքունիքի և Շիրակի մարզերում: 2017 թ․ մինչև 18 տարեկան երեխաներից 2.1%-ը ծայրահեղ աղքատ, 30.8%` աղքատ։
2017 թ․ գյուղական բնակչության աղքատության մակարդակը բարձր է միջին հանրապետականից (26.8%, 25.7%-ի դիմաց): 2017 թ․ գյուղաբնակների աղքատության մակարդակը 2008թ.-ի համեմատ նվազել է՝ 0.7, իսկ քաղաքաբնակներինը` 2.6%-ային կետով:
Աղքատության մակարդակը քաղաքային բնակավայրերում՝ 25,0% է, իսկ գյուղական բնակավայրերում` 26.8%։
2017 թ. աղքատության վերին, ստորին և պարենային գիծը՝ ըստ սպառման, եղել է համապատասխանաբար 41 612 դրամ, 34 253 դրամ և 24 269 դրամ:
Հայաստանին աղքատությունը հաղթահարելու համար անհրաժեշտ է 65.2 միլիարդ դրամ կամ ՀՆԱ-ի 1.2 % կազմող գումար, իսկ ծայրահեղ աղքատության հաղթահարման համար՝ 1.4 միլիարդ դրամ կամ ՀՆԱ-ի 0.02 %-ը։
