Ադրբեջանի արտգործնախարար Ջեյհուն Բայրամովն այսօր Մոսկվայում ասել է, որ որքան շուտ Ռուբեն Վարդանյանը «հեռանա տարածաշրջանից, այնքան լավ կլինի բոլորի համար»։
Ելույթ ունենալով Սերգեյ Լավրովի հետ համատեղ ասուլիսում՝ Ադրբեջանի արտգործնախարարն ասել է, որ Ռուբեն Վարդանյանի գործունեությունը կրում է «հանցավոր արկածախնդիր բնույթ» եւ «խանգարում է վերաինտեգրմանը»։
«Այսօր մեր տարածաշրջանում օտար տարրեր կան։ Նկատի ունեմ Վարդանյանին։ Մենք նրա գործունեությունը համարում ենք հանցավոր եւ արկածախնդիր։ Նա պետք է հեռանա տարածաշրջանից։ Եվ որքան արագ, այնքան լավ: Նա վնասակար եւ ապակայունացնող գործոն է։ Սրանից առաջին հերթին տուժում է տեղի բնակչությունը։ Մինչ նրա հայտնվելը շփումները դրական էին»,- ասել է Բայրամովը։
