Ռուսաստանի, Թուրքիայի և Իրանի ներկայացուցիչները փետրվարին ևս մեկ հանդիպում կանցկացնեն Մոսկվայում՝ քննարկելու ամբողջ աշխարհում հացահատիկի արդար բաշխման խնդրի կարգավորումը, որի նպատակը պարենային գլոբալ ճգնաժամը կանխելն է։

Ինչպես հաղորդում է իրանական IRNA գործակալությունը, հանդիպումը տեղի կունենա փետրվարի 10-ին։

Դրան կմասնակցեն ՌԴ-ի, Թուրքիայի և Իրանի պաշտոնյաներ, համապատասխան կազմակերպությունների ներկայացուցիչներ, ռուս խոշոր արտահանողներ, ինչպես նաև իրանցի և թուրք ներկրողներ։

Նշվում է, որ մոսկովյան հանդիպմանը մասնավորապես կքննարկվեն հացահատիկի մատակարարման ոլորտում առկա խնդիրներն ու խոչընդոտները, այդ թվում՝ բանկային, ֆինանսական, նյութատեխնիկական և մաքսային հարցեր։